“សិទ្ធិស័ក្តិ” សំដៅដល់អំណាចនៃការសម្រេចឧត្តមប្រយោជន៍នៃយុត្តិធម៌ តាមរយៈអត្ថន័យថា “ទេវរាជ” ជាស្តេចនៃទេវតាទ្រង់យាងព្រះរាជដំណើរដោយគង់ប្រថាប់លើព្រះទីនាំង“នាគរាជ”ដែលតំណាងឱ្យអធិបតេយ្យនៃដែនទឹកដីខ្មែរតាំងពីបុរាណកាលតរៀងមក ដើម្បីប្រទាន“ទេវាយុត្តិធម៌”ដល់មនុស្សជាតិដោយអានុភាពនៃទេវឫទ្ធិដែលតំណាងដោយ“ព្រះខ័ន” ។
សិទ្ធិស័ក្តិ គឺជាការិយាល័យមេធាវីផ្តល់សេវាច្បាប់ទូទៅមួយនៅក្នុងព្រះរាជាណាចក្រកម្ពុជា ។ សិទ្ធិស័ក្តិ ត្រូវបានបង្កើត និងផ្តល់សេវាជូនអតិថិជនចាប់តាំងពីឆ្នាំ២០១០។ ក្នុងរយៈកាលកន្លងមកនេះ សិទ្ធិស័ក្តិបានខិតខំអភិវឌ្ឍខ្លួនជាបន្តបន្ទាប់រហូតក្លាយខ្លួនជាការិយាល័យមេធាវីដែលមានការទទួលស្គាល់មួយ នៅក្នុងព្រះរាជាណាចក្រកម្ពុជា ។ យើងមានទស្សនវិស័យច្បាស់លាស់ក្នុង ការដឹងនាំអតិថិជនឆ្ពោះទៅរកគោលដៅ និងជោគជ័យ ។ កន្លងមក យើងទទួលបានទំនុកចិត្តពីវិនិយោគិន និងពាណិជ្ជករទាំងក្នុងស្រុកនិងក្រៅស្រុក ក៏ដូចជាអតិថិជនជាបុគ្គលឯកជនដែលស្វែងរកជំនួយផ្នែកច្បាប់ និងពន្ធដារ ទាំងក្នុងករណីបណ្តឹងឬមិនមែនបណ្តឹង ឬពាក់ព័ន្ធនឹងកិច្ចការពាណិជ្ជកម្ម ឬជីវិតប្រចាំថ្ងៃ ។ មេធាវី និងទីប្រឹក្សាច្បាប់របស់យើងបានទទួលការបណ្តុះបណ្តាលទាំងច្បាប់ក្នុងស្រុក និងច្បាប់បរទេស ដោយសមាជិករបស់យើងមួយចំនួនបានទទួលការសិក្សានៅទ្វីបអឺរ៉ុប និងអាមេរិកខាងជើង ។ ជាមួយនេះ យើងក៏មានបទពិសោធន៍ច្រើនក្នុងការផ្តល់ប្រឹក្សាច្បាប់ដល់ក្រសួង- ស្ថាប័នរាជរដ្ឋាភិបាល និងអង្គការក្រៅរដ្ឋាភិបាលនានា ពាក់ព័ន្ធនឹងគម្រោងកំណែទម្រង់ច្បាប់ និងការតាក់តែងលិខិតបទដ្ឋានគតិយុត្ត ។
សិទ្ធិស័ក្តិ ត្រូវបានទទួលស្គាល់ចំពោះគុណភាព និងប្រសិទ្ធភាពនៃសេវាផ្តល់ប្រឹក្សាច្បាប់និងពន្ធដារ ក៏ដូចជាសេវាតំណាងក្នុងរឿងក្តី ដែលបានផ្តល់ជូនអតិថិជន ។ ភាពស្មោះត្រង់ ជំនឿ និងទំនុកចិត្ត ព្រមទាំងការគោរពក្រមសីលធម៌វិជ្ជាជីវៈ និងជាពិសេសការសហការល្អជាមួយអតិថិជន សុទ្ធសឹងជាគុណតម្លៃដែលអតិថិជនរបស់សិទ្ធិស័ក្តិទទួលស្គាល់ ។ យើងជឿជាក់ថា “ជោគជ័យរបស់អតិថិជន គឺជាជោគជ័យរបស់សិទ្ធិស័ក្តិ” ។ ដូច្នេះ ដើម្បីសម្រេចបាននូវជោគជ័យទាំងពីរនេះ ក្រៅពីបទពិសោធន៍ជំនាញ ការប្តេជ្ញាចិត្ត និងភាពឧស្សាហ៍ ព្យាយាម “ភាពជាដៃគូជាមួយអតិថិជន” គឺជាគោលការណ៍មួយដែលយើងប្រកាន់ខ្ជាប់ចំពោះរាល់ការផ្តល់សេវាជូនអតិថិជន ។
ការគោរពយ៉ាងម៉ឺងម៉ាត់នូវគុណតម្លៃ និងគោលការណ៍ដែលបានរៀបរាប់ខាងលើ គឺជាការសបញ្ជាក់អំពីស្មារតីខិតខំប្រឹងប្រែងនិងការប្តេជ្ញាចិត្តក្នុងការលើកតម្កើងវិជ្ជាជីវៈច្បាប់ខ្មែរ ដូចមានអត្ថន័យបង្កប់ស្រាប់នៅក្នុងពាក្យ “សិទ្ធិស័ក្តិ” ។
គុណតម្លៃរបស់យើង
ជំនាញ
យើងត្រូវបានគេទទួលស្គាល់ថាជាអ្នកជំនាញដែលមានចំណេះដឹងនិងបទពិសោធន៍អនុវត្តជាក់ស្តែង។ មេធាវីនិងទីប្រឹក្សាផ្នែកច្បាប់របស់យើង បានទទួលការបណ្តុះបណ្តាលទាំងច្បាប់ក្នុងស្រុក និង ច្បាប់បរទេស ជាមួយនឹងជំនាញផ្នែកច្បាប់និងពន្ធដារជាច្រើនប្រភេទ។
យុទ្ធសាស្ត្រ
យើងជឿជាក់ថា ជោគជ័យរបស់អតិថិជន គឺជាជោគជ័យរបស់សិទ្ធិស័ក្តិ។ យើងធ្វើការផ្តល់យោបល់ប្រកបដោយជំនាញ ការប្តេជ្ញាចិត្ត និងភាពឧស្សាហ៍ព្យាយាមរបស់យើង ដើម្បីរកដំណោះស្រាយនិងយុទ្ធសាស្ត្រល្អបំផុតសម្រាប់អតិថិជន។
ការយកចិត្តទុកដាក់
យើងប្តេជ្ញាចិត្តក្នុងការសម្រេចបានលទ្ធផលល្អឲ្យអតិថិជន។ យើងទុកតម្រូវការរបស់អតិថិជនជាអាទិភាព ដោយផ្តោតការយកចិត្តទុកដាក់លើតម្រូវការ យុទ្ធសាស្ត្រនិងដំណោះស្រាយនីមួយៗដោយការពិចារណានិងការយកចិត្តទុកដាក់ខ្ពស់។